115 años del Centro Obrero La Justicia

Va 115 que los obreros llevantaron col so esfuerzu el Centro Obrero La Justicia, pa recordar la importancia que tuvo y pa seguir na brecha con más puxu facemos los siguientes actos de conmemoración:

Xueves 8 Payares
18:00 Ruta pola Felguera Revolucionaria.
Recorremos los escenarios más señalaos polos fechos revolucionarios na Felguera, salimos puntuales del CSA La Xusticia.
19:30 Hestoria de La Justicia por Ernesto Burgos
De la mano del historiador y compañeru Ernesto veremos cuales fueron los momentos más destacaos del movimientu obreru na Felguera y la importancia que La Justicia tuvo n’ellos como centru fisicu nel que se fraguaron les acciones y tamién les persones.

Vienres 9 Payares
18:00 Proyección del primer mitín de la CNT dempués del franquismu na felguera 1976.
Recuperamos aqui unes imaxenes de va 40 años, cuando la CNT volvía a la vida pública después de munchos años de clandestinidá. El primer mitín en España fo na Felguera el 26 de agostu de 1976, celebrose na Sala de Fiestas Manacor, a les siete de la tarde. Tovía nun taba legalizada la CNT. Intervinieran Manuel Fernández Cabricano, Aquilino Moral, Ramón Álvarez Palomo, José Luis García Rúa y Eduardo Prieto. El lema fo: «¡Felguerinos! ¡Asturianos! ¡A nuestros hombres el honor que merecen!».
Tamién saldrán imaxenes de un actu cellebrau díes dempués en Llaviana y de otru mitín de Uviéu nel que participara Federica Monseny
19:00 Mesa reonda con militantes Felguerinos de la transición
Charramos colos compañeros que queden de aquella época pa que mos trasladen los sus recuerdos y vivencies.
21:00 Música con Sandra Zamora y pinchoteu
De la mano de Sandra poeta y cantautora pondremos el broche a estos actos. Tamién habrá pincheteu pa confraternizar.

Tais tos invitaos, arrimaivos que pagará la pena.

This entry was posted in ACTIVIDADES. Bookmark the permalink.