Conceyu anual Abiertu

El Sábadu 10 de Marzu yel nuesu conceyu anual. Queremos que sía un día pa cavilar so lo fecho y pa marcanos les llínies de cara al futuru. Tamién pa confraternizar y pa que aquellos qu’entá nun nos conocéis o conocéisnos pero nun vos atrevistis a dar el pasu suméisvos a la llucha que dende’l CSA La Xusticia llevamos alantre.
Vamos arrancar, a les once, con una escursión pol contornu de La Felguera, apta pa tolos públicos.
Dempués vamos xintar xuntos.
A les cinco, puntuales, va empezar l’asamblea pa falar de lo que se fixo y de lo que temos por facer.
Par rematar el día a les siete vamos tener poesía y música con Fee Reega que presentará na Xusticia el so poemariu “Percebes y purpurina”.
¡Axuntate a La Xusticia!

This entry was posted in ACTIVIDADES. Bookmark the permalink.