Cumplimos un añu dexamosvos fotos y videos.
Que decivos de les charles. Con Manoli que mos trasmitio la so experiencia, la so vida, la so xuventú y les sos ganes de lluchar, con Lagarder que mos enseño esa otra cara del mundu, los que viven al marxen desauciaos de esta sociedá, el alcuentru colos nuesos compañeros de La Llegra, La Semiente, El Mataeru y Sestaferia onde se texieron tantes coses y pudimos conocenos meyor y falar a les clares de los problemes y esperances de caún.
La música, el punk y el rock con Pena de Muerte, con Asesinato del poder colos Kordinaos; el Gisbsy Jazz de Swing XXI col que tanto disfrutamos grandes y pequenos, la tona fusión d’anguaño de Ún de Grao, les canciones de May que siempre nos saca alguna llagrima.
El documental sobre la explotación animal, los pinchoteos veganos y de colofón los gradisimos titeres dende baxu y la obra que yos valió unos meses nel talego. Munches coses y muy prestoses toes na armonia y el buen sabor de boca que dexa trabayar ente compañeros a los que nun fai falta dar les gracies porque tamos tos nelmesmu carru.
Son munches coses les que se faen en un añu, esperamos seguir en la brecha da-y caña al estau y al patrón, seguir naguando pola xusticia social, pola llibertá, pola revolución social que esborre lo vieyo, pola solidarida, la autoxestión , la acción directa y tolos valores que faen que merezca la pena vivir. Sobre to pola llucha, polos compañeros, polas miradas complices nos piquetes y enbaxu les capuches.
Lluchar reconforta, merez la pena y sobre to ¡ye de Xusticia!
